गजल
रहर लाख हुन्थ्यो, सहर मौन बस्थ्यो
तिम्रो बैँस देखेर, जहर मौन बस्थ्यो
! !
बिष हौ कि तिमी, कि त सुरा नै हौ
पलाएका मनका, रहर मौन बस्थ्यो
! !
आज भन्छु भन्दै आएँ मनका कुरा
तिम्रो सामु दिलको ठहर मौन बस्थ्यो
! !
लेखौ भन्थेँ गजल मनका शब्द समेटी
कहिले छन्द कहिले बहर मौन बस्थ्यो
! !
माग्ने नै काम थियो प्रेम माग्थ्यो होला
"योगी"नै भएनि हर-प्रहर मौन बस्थ्यो
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
गजल
तिमी तर्कि हिड्यौ, म बोल्दै बोलिन
उता फर्कि हिड्यौ, म बोल्दै बोलिन
! !
सबै क्रोध भुली तिम्रै सामु जाँदा
झनै झर्कि हिड्यौ,म बोल्दै बोलिन
! !
सजाएको थिएँ ऐनासरी दिलमा
छिट्टै चर्कि हिड्यौ, म बोल्दै बोलिन
! !
मुर्छित मात्र के भाथेँ तिम्रो बियोगमा
पानी छर्कि हिड्यौ, म बोल्दै बोलिन
! !
ठूलै आँधी उठाएर मेरो जिन्दगीमा
बर्षा झैँ दर्कि हिड्यौ म बोल्दै बोलिन
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
