मुक्तकहरू

मुक्तक :- ४

कोर्दा प्रेमपत्र  अनेकौं सवाल उठ्छ भन्ने सोचेँ
तिम्रो पनि मन हो चोट लाग्दा दुख्छ भन्ने सोचेँ
प्रेमिका हुन् भनिदिन्थेँ सिधैँ सोध्दा समाजले
तर मेरो भन्दानि तिम्रो इज्जत झुक्छ भन्ने सोचेँ  ।।

मुक्तक :- ५

छचल्किन्छ आँखामा आँसु म कसरी हाँसूँ
छ एउटा तस्वीर साथमा फालूँ कि  टाँसूँ
दिलको एउटा पाटो , बनेछ छ ठूलै खाटो
प्रेमिकाले भनिन् पेटको चिनो राखूँ कि मासूँ . ?

मुक्तक :- ३

लुछिरहे गिद्दहरूले रोएँमात्र अहँ कराइनँ
बाबा आमासँग बिदा माग्न घरसम्म आइनँ
आज सपनामा आएर निर्मला बैनिले भनिन्
दाइ प्राणको आहूती दिँदा पनि न्याय पाइनँ  ।।

प्रकाश पाठक "योगी''
भरतपुर २३ जगतपुर
चितवन नेपाल
हाल :- दोहा कतार