गजल
एउटा आकृति आएर बस्यो नजरमा
थोरै मित्र धेरै दुश्मन भेट्टाएँ सफरमा
! !
जे पर्ला पर्ला दिल छोडेँ मायालाई
शिखर चढाउँछ वा लान्छ बगरमा
! !
बरु केही लालच त्यागी दिनु तिमी
चोखो माया छुट्ला धनको रहरमा
! !
झुटा कसमहरू किन खान्छौ मान्छे
विस्वासबाटै विस्वास मर्छ अक्सरमा
! !
ऊ प्रेमले गर्दा "योगी" बन्न बाध्य भो
रगतले कोरेका प्रेमपत्र पर्दा बदरमा
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
No comments:
Post a Comment