गजल

गजल

न सोचौं सधैँ भरी बहार आउनु पर्छ

जीवन पीडामा पनि मुस्कुराउनु पर्छ 

! ! 

घमण्ड किन गर्नू धन दौलतको यहाँ 

अन्तिम घडीमा चिता सजाउनु पर्छ

उनी अब  त अर्कैकी  भइ सकिन

मेरो  प्रेम म भित्रै  लुकाउनु पर्छ

! ! 

महोदय यो मेरो अधिकारको कुरा हो

आफुले आफुलाइ बदल्न पाउनु पर्छ

! ! 

मलाई यी बाटाहरुले के सोच्दा हुन् ?

दीनदीनै यहीँ पाइला घिस्याउनु पर्छ

! ! 

पश्चातपको रापमा सधैँ जल्नू भन्दा

नलुकाइ हृदयको कुरो बताउनु पर्छ

! ! 

केही पैसा जतन गर ए जुवाडेहरू हो

लाशलाई पनि कात्रोले सजाउनु पर्छ

! ! 

प्रकाश पाठक "योगी"

भरतपुर २३ जगतपुर

चितवन नेपाल

हाल :- दोहा कतार