गजल

गजल

भएको छ दिल भित्र मनखत हजुरको

कसो  प्यार  नहोला छ सङ्गत हजुरको

! ! 

अधरमा छ  हाँसो नयन छन्  शिकारी

अझै के-के छन् सुन्छु आदत हजुरको

! ! 

दुई  ओठ   टोकी   नहेर्नूस्   म   हारेँ

लुक्यो जून  देखेर  हिक्मत  हजुरको

! ! 

भयो चाहिँदैनन्  अतितका कुनै  चिज

विगत सम्झिँदा हुन्छ भतभत हजुरको

! ! 

विचार मात्र राख्दा रिसायो नसोच्नुस् 

खुबै मन  परेको  छ   हर्कत  हजुरको

प्रकाश पाठक "योगी"

भरतपुर २३ जगतपुर

चितवन नेपाल

हाल:- दोहा कतार