गजल

गजल

बिस्तारै-बिस्तारै जुनेली  रात  ढल्किदै थियो
उनको मुहारमा बैंसको लाली झल्किदै थियो
! !
उनले त मात्र मलाई 'इ' अधरमा चुमेकी थिईन्
थाहै   छैन  कहाँ -कहाँ  आगो  सल्किदै थियो
! !
बिन्ति खुल्ला नछोड्नु त्यो  ढाडे बिरालोलाई
दूध पिलाएँ मैले तर,  ऊ हड्डिमै पल्किदै थियो
! !
जानिले त, ल बस्नुस् है भन्दै डोलीमा चढेर गै
के थाहा जानेलाई क-कस्को छाती बल्किदै थियो
! !
म तपाईँलाई कदाचित् बिर्सिन्न भन्ने मित्रहरू हो
"योगी" बाटो लाग्दा कस्को आँसु छल्किदै थियो ?

! ! 

प्रकाश पाठक "योगी"

भरतपुर २३ जगतपुर

चितवन नेपाल

हाल :- दोहा कतार