गजल

गजल 

कस्तो वचन छुट्यो अचानक अधरबाट

तप्प आँसु चुहिएको छ आज नजरबाट

! !

छोरो  बिग्रियो  भनि बा'कराउछन् सधैँ 

के शिक्षा सिकोस् त जुवाडेको घरबाट

! ! 

मुर्ति बन्ने थिएन सायद  बगरको ढुङ्गा 

यदि भाग्थ्यो भने दूर   घनको डरबाट

! !

उस्को बारेमा केही बताउन भन्छ मित्र

म  त बेखबर छु बर्षौ  देखि  खबरबाट

! ! 

म निष्ठूरी हुँदै हैन चाहे जे सुकै सोच्नुस्

मात्र झुट बोल्न सिकेँ हजुरकै सहरबाट

प्रकाश पाठक "योगी"

भरतपुर २३ जगतपुर

चितवन नेपाल

हाल :- दोहा कतार

गजल

गजल 

तिमी मुस्कुराउँदा सगर खुल्छ मुस्कुराऊ

मरूभूमिमा पनि  पुष्प  फुल्छ मुस्कुराऊ

! !

कहाँ हिड्यौ मुस्कुराउँदै यतै बसे राम्रो छ

जहाँ बस्यौ त्यही  भमरा डुल्छ मुस्कुराऊ

! ! 

सौन्दर्य  कहाँ छ खै त्यो सगरको  जूनमा 

तिम्रो रुपमा सारा जगत झुल्छ मुस्कुराऊ

! ! 

खबर भन्न आलटाल नगर प्रिय बहानामा

त्याँ के छ यहाँ आँसुको मूल छ मुस्कुराऊ

! ! 

बौलाहा मनको औषधि  केही पाइन मैले

तिम्रो मीठो बोलीमा मन भुल्छ मुस्कुराऊ

प्रकाश पाठक "योगी"

भरतपुर २३ जगतपुर

चितवन नेपाल 

हाल :- दोहा कतार

गजल

गजल

कहाँ टुङ्गिने हुन् सफर जिन्दगीको

पुरा  हुन्छ हुन्नन्   रहर जिन्दगीको

! ! 

यही पाउमा लाग्छ ठक्कर अनेकौं

त्यसैले  त  लाग्दैन भर जिन्दगीको

! ! 

लुकाएर पीडा  जिए  कत्ति जिउँला

खुसी राख्न तिम्रो अधर जिन्दगीको

! ! 

कतै   दुख्न    पाएँ    हलुङ्गो    हुनेथें

पखाली  नयनले  असर  जिन्दगीको

! !

रह्यो  यत्ति  बाँकी  तिमीले   सम्हाल्न

खबर   बन्नु   है   बेखबर  जिन्दगीको

प्रकाश पाठक "योगी"

भरतपुर २३ जगतपुर

चितवन नेपाल

हाल :- दोहा कतार

गजल

गजल 

खुबै  चर्चा भा'छ  सहरमा हजुरको

साच्चै जादु रै'छ  अधरमा हजुरको

! !

एक्क पटक हेर्दैमा  मोहित बनाउने

के  छ  खै त्यस्तो  नजरमा हजुरको

! ! 

हुन्न  भन्दै  जै'ले टार्नु हुन्छ हामीलाई

साच्चै भन्नु  को  छ र भरमा हजुरको  ?

! !

मन्दिर जानु भो गरीबलाई गाली गर्दै 

कस्तो आस्था त्यो पत्थरमा हुजुरको

! ! 

गुलाब काटेर सिउडी  रोप्न थालेपछि

कहाँ बहार आउला र घरमा हजुरको

! ! 

सर्वश्व छोडी योगी यसैले मौन बस्छन्

सहयात्री बन्न नसकि सफरमा हजुरको

प्रकाश पाठक "योगी"

भरतपुर २३ जगतपुर

चितवन नेपाल

हाल :- दोहा कतार