गजल

गजल 

तिमी मुस्कुराउँदा सगर खुल्छ मुस्कुराऊ

मरूभूमिमा पनि  पुष्प  फुल्छ मुस्कुराऊ

! !

कहाँ हिड्यौ मुस्कुराउँदै यतै बसे राम्रो छ

जहाँ बस्यौ त्यही  भमरा डुल्छ मुस्कुराऊ

! ! 

सौन्दर्य  कहाँ छ खै त्यो सगरको  जूनमा 

तिम्रो रुपमा सारा जगत झुल्छ मुस्कुराऊ

! ! 

खबर भन्न आलटाल नगर प्रिय बहानामा

त्याँ के छ यहाँ आँसुको मूल छ मुस्कुराऊ

! ! 

बौलाहा मनको औषधि  केही पाइन मैले

तिम्रो मीठो बोलीमा मन भुल्छ मुस्कुराऊ

प्रकाश पाठक "योगी"

भरतपुर २३ जगतपुर

चितवन नेपाल 

हाल :- दोहा कतार