गजल

गजल 

खुबै  चर्चा भा'छ  सहरमा हजुरको

साच्चै जादु रै'छ  अधरमा हजुरको

! !

एक्क पटक हेर्दैमा  मोहित बनाउने

के  छ  खै त्यस्तो  नजरमा हजुरको

! ! 

हुन्न  भन्दै  जै'ले टार्नु हुन्छ हामीलाई

साच्चै भन्नु  को  छ र भरमा हजुरको  ?

! !

मन्दिर जानु भो गरीबलाई गाली गर्दै 

कस्तो आस्था त्यो पत्थरमा हुजुरको

! ! 

गुलाब काटेर सिउडी  रोप्न थालेपछि

कहाँ बहार आउला र घरमा हजुरको

! ! 

सर्वश्व छोडी योगी यसैले मौन बस्छन्

सहयात्री बन्न नसकि सफरमा हजुरको

प्रकाश पाठक "योगी"

भरतपुर २३ जगतपुर

चितवन नेपाल

हाल :- दोहा कतार