गजल
कति नाच्छस "ए" जिन्दगी मदानी बनेर
एक दिन त जानु नै पर्ने छ खरानी बनेर
!!
एक्लिएको महसुस हुन्छ बुढ्यौलिले छुँदा
ए समय फेरि आइज रंगिन जवानी बनेर
!!
कुनै पल मुटुको ढुकढुकी हुने गर्थ्यो माया
आज त्यही माया बग्दैछ आँखामा पानी बनेर
!!
यो देह हाँसीहाँसी जल्ने छ चितामा प्रिय्
तिमीले ल्याएकै मुडा बसोस सिरानी बनेर
!!
आफ्नै मातृभूमिमा विलीन हुने छ इच्छा
गल्ती होला भन्ने डर भयो राहदानी बनेर
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
गजल
जब आफ्नो मान्छेले घात गर्यो
तब आँखाले अधिक बर्षात गर्यो
!!
मुस्कुराउँदै ती अधर मौन भए पछि
नयनले नयन सङ्ग खुब बात गर्यो
!!
बर्षौ लाग्छ सम्बन्ध जोगाउन यहाँ
कोहि छुट्ने निर्णय रातारात गर्यो
!!
बियोगको कथा लेखेर मेरो भाग्यमा
दैवले पनि यसै बेला बज्रपात गर्यो
!!
दिल भित्र चोटै चोटको खानी देखेर
फेरि आँखाले आँसुको आयात गर्यो ।
प्रकाश पाठक "योगी"
भरतपुर २३ जगतपुर
चितवन नेपाल
Prakash Pathak
Chitwan Nepal
mobile no :- 9804660833
गजल
क - कस्ले हुन्न भन्छ समय आए पछि
थोपा सागर भै वहन्छ समय आए पछि
!!
बेकामे भन्दै मिल्काए मलाई बगरमा
बेकामे ढुङ्गा मुर्ति बन्छ समय आए पछि
!!
चप्पलमा छस जुत्ता किन्ने हैसियत बना
दुनियाँले तँलाईनि गन्छ समय आए पछि
!!
सभामा बस्न दिएनन् फाटेको सारी देख्दा
आमाको सारी फेर्न मन छ समय आए पछि
!!
उसले छोड्यो भनि कत्ति दु:खी नभै मन
दु:खमा तलाई सम्झन्छ समय आए पछि
!!
"योगी" मरेको कुरा अखबारमा छाप्नुहोस
सत्रुकोनि मुटु धड्कन्छ समय आए पछि
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
गजल
सबैले तिमीलाई बहुत प्यार गर्ने छन्
चिता माथि लेटाएर शृङ्गार गर्ने छन्
!!
गरूँ कसको पो विश्वास दोधारमा छ मन मेरो
यहाँ घाउ कोट्याइ यो, उपचार गर्ने छन्
!!
अजिबका कलाकार रहेछन् यी दुस्मन पनि
कतै मन्द हाँसेर कतै वार गर्ने छन्
!!
गजबका भेटाएँ मैले मायालु जोडी क्यै
नदीमा घचेट्दै फेरि उद्धार गर्ने छन्
!!
तिमी आस राख्छौ हर समय मित्र सम्झेर
बिना स्वार्थ कस्ले तिम्रो उपकार गर्ने छन् ?
बहर :- तबील मुसम्मन सालीम
अर्कान :- १२२-१२२२/१२२-१२२२
काफीया बन्धन :- आर
रदीफ :- गर्ने छन्
के के हुन्छ हुन्छ हे मेरी मुना म के भनौँ
खुल्न सक्छन् चोलीका तुना म के भनौँ
!!
यो मनलाई बाँधेर म नबसेको कहाँ होर
त्यो रुपको चलायौ जादु टुना म के भनौँ
!!
हुन्न भन्दा भन्दै चुम्यौ गुलाबी अधरले
हेर दुख्दैछ मुटुको छेउ कुना म के भनौँ
!!
यत्ति भन्दछु बुझ तिमी आफैले मेरी प्रिय्
यो दिल त्यो दिल भित्र छ थुना म के भनौँ
!!
तिम्रो एक्कै नजरले घाइते भएको दिल यो
दिनमा भन्दा रातमा दुख्छ चौगुना म के भनौं
