गजल
हरेक फूलहरुको वरिपरि घुम्ने काम तिमीले नै गर्छौ
अनि फेरि ए भमरा फूलको बदनाम तिमीले नै गर्छौ
!!
ओहो ! अजीवका कलाकार रहेछौ ए निस्ठुरी मान्छे
फकाइ भिरमा लगेर घचेट्दै रामराम तिमीले नै गर्छौ
!!
म त पत्थरलाई पत्थर नै हो भनेर सत्य बोल्ने मान्छे
बरु पत्थरलाई द्यौता भन्दै छलछाम तिमीले नै गर्छौ
!!
हरपल हरक्षण तिमीलाई नै सम्झिरहन्छु ए निस्ठुरी
यहाँ कहिले पानी त कहिले घाम तिमीले नै गर्छौ
!!
को हो, कस्तो छ भनी उस्को अलिकति ख्याल नगरी
रत्नपार्क भेटेँ भन्दैमा मुल्य अनि दाम तिमीले नै गर्छौ
प्रकाश पाठक "योगी"
भरतपुर २३ जगतपुर
चितवन नेपाल
हाल:- दोहा कतार
No comments:
Post a Comment