स्वतन्त्र गजल

"गजल"

मेरो यो मनमा अनेकौं छन् रहर कस्लाई भनौँ
पुरा हुन्छन् कि पसे पछि शहर कस्लाई भनौँ

तिम्रो यादमा पलपल मरीरहेको मान्छे हुँ म
मार्न भनि पिलाउछौ कि जहर कस्लाई भनौँ

निष्ठुरी बनि चढ्यौं डोली,भनि गयौं रमाउनु
तिम्रै यादमा तड्पिन्छु हर प्रहर कस्लाई भनौँ

याद सधै आइरहदा कुटुकुटु  मुटु खाईरहदा
पागल हुने दिमागले गर्छ ठहर कस्लाई भनौँ

बेइमानीले उजाडेर गई मायाको बस्ती हाम्रो
देखे 'ऊ' मायाको चल्छ लहर कस्लाई भनौँ

        -     प्रकाश पाठक "योगी"
       -   ना. न. पा :- १० जगतपुर
        -   चितवन
        - हाल:- चेन्नई भारत