गजल

स्वतंत्र गजल

झरेछ फूल कोपीलामै, मनै खिन्न भो
तिमी बिनाको दुनियाँ,  यहाँ भिन्न भो
!!
टुट्यो सम्बन्ध,छुट्यो खै साथ कसरी
छायो आँखामा अध्यारो,कानै टिन्न भो
!!
सदैव लागेको छ चोट मनमा हजारौ
न माग घायल मुटु कसैलाई दिन्न भो
!!
उपहार तिमीलाई दिन्छु भन्थ्यौ तिमीले
दियौ चोट यो भए पुग्छ अरू लिन्न भो
!!
न बिर्सनु भनेर गयौ,पराईकै बनेर गयौ
ढुक्क हुनु पापीनी कहिल्यै बिर्सिन्न भो

प्रकाश पाठक "योगी"
भरतपुर २३ जगतपुर
हाल :- चेन्नई भारत
आवाज :- चोमु शेर्पा खुशी