बहर

सधैँ आँसुको मात्र बग्दा नहर यो

कहाँ रै'छ भाग्य छ भेट्ने रहर यो

! ! 

तिमीलाई दिलमा सजाएर राख्दा

छ भन्दै छ पागल मलाई सहर यो

! ! 

 जलनले खुसी रोएको देख्छु उता

यता दु:ख हाँस्दैछ कस्तो कहर यो 

! !

तिमीलाई दिल भित्र राखेँ भने'नि

न हाँस्ने न बोल्ने  कस्तो ठहर यो

! ! 

रिसाए'नि के  भो  पठाएँ चिठी झन् 

गरूँ के चलेको छ प्यारको लहर यो

! ! 

सधैँ यादमा मन जलाउनु भन्दा 

पिलाएर जाऊ प्रियाले जहर यो

! ! 

दिँदै दिन्न जाऊँ भन्यौ झन् धपायौ 

मगन्ते हुँ मागेँ म प्यार हर प्रहर यो