गजल

कहाँ दोष लाग्यो र खोटो बन्यो ऊ

सधैँ यादमा आउने फोटो बन्यो ऊ

! ! 

छ अन्तर निगालो र बाँसको तसर्थ 

उचो  जान  छोडेर  छोटो  बन्यो  ऊ

! ! 

बरूँ होस टालो छ सौँ-भाग्य  उस्को

त्यसैले  यहाँ  आज  भोटो  बन्यो  ऊ

! !

गजल 

यो जीवन कसैलाई भारी हुँदैछ

हृदय  आज  वारी र पारी हुँदछ

! ! 

अधूरो हुने भो कथा जिन्दगीको

प्रिया अन्त  जाने  तयारी  हुँदैछ

! ! 

रहरलाई मारेर हिड्दैछु झन् झन्

केलाई यो जीवन भिखारी हुँदैछ ?

! !

चुम्यौ हात मेरो म छुट्ने प्रहरमा

त्यसैले हृदय झन् बिमारी हुँदैछ 

! ! 

छरूँ फूल मैले कहाँ मात्र भन्नुस् ? 

कता बाट   उस्को सवारी हुँदैछ ?

रुवाएका हैनन यहाँ कसैका कुराले

आमा भन्दै  बोलायो  एउटा टुहुराले

! ! 

खबर छिट्टै पठाउनू ए परदेशी तिमी

माफ गर्नु है  भन्दैछन् सिन्दुर चुराले

! ! 

तिम्रो वचनमा के छ जान्ने मन भयो

यति साह्रो  रेट्ने  थिएन बरूँ छुराले 

! ! 

कति चोट दिन्छौ देउ  गुनासो रहन्न

आदत जो  भयो निका पार्ने  सुराले 

! ! 

एउटा ''योगी''को  प्रतिक्षा देखे  पछि 

पर्खने विचार बनाएछ एक कुरुवाले