मझौला झ्याउरे

"स्वतंत्र गजल"

उर्लिदै गयौ सागर भेट्न रहर बनेर
पर्खेर बसेँ सदैव  मैले  बगर  बनेर
!!
हर्लक्कै आयौ उर्लेर यहाँ ढाक्यौ है डमक्कै
समाती गयौ कसैको हात सफर बनेर
!!
आयो है दशैं सबैको घर फर्क लौ मुग्लानी
कुरेरै बसेँ सदैव बुढो त्यो घर बनेर
!!
चर्केछ युद्ध कार्गिल तिर हल्ला नै बढी भो
फर्किन्नौ भन्ने बसेछ छाप लौ डर बनेर
!!
आएनौ अझै फर्केर घर मन यो डरायो
बसेछु एक्लै पिपल बिना म  बर  बनेर