गजल

गजल 

अमृत वा जहर जे छरोस् गुनासो छैन

निष्ठुरीले मनलाग्दो गरोस् गुनासो छैन

! ! 

फूल फुलेर पनि कतै सुवास दिन्न भने

बोटमै रहोस् कि  झरोस्  गुनासो छैन

! ! 

दिलमा ठूलो चोट दिइ जान्छ भने "ऊ"

चाहे बाँचोस् चाहे   मरोस् गुनासो छैन

! ! 

सफल हुन्छु भन्छ मेरो खुट्टा ताने पछि 

शुभकामना  सागर  तरोस् गुनासो छैन

! ! 

लुकाएर दिलको चोट स्वागत गर्दा पनि

घुर्क्याएर अन्त सर्छ सरोस् गुनासो छैन

प्रकाश पाठक "योगी"

भरतपुर २३ जगतपुर 

चितवन नेपाल 

हाल :- दोहा कतार