अर्कान :- १२२-१२२/१२२-१२२
गजल
बुझोस् निष्ठुरीले कहाँ दिल हुनेछ
दुखे जिन्दगी बाँच्न मुस्किल हुनेछ
! !
कसैले धकेल्दै बगरमा पुर्यायो
यहाँ फेरि यमराज कातिल हुनेछ
! !
म राखूँ कहाँ प्यार? खाटा पलाए
दुखे दिल कतै आँसु टिलपिल हुनेछ
! !
सधैँ बर्सिदेऊ ए थोपा धरामा
बगरलाई मुस्कान हासिल हुनेछ
! !
सही मार्ग हिँड्नेछु शङ्का नगर्नु
कुवाको धरातल छ मञ्जिल हुनेछ ।।
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
No comments:
Post a Comment