बहर :- मुतकारि मुसम्मन सालिम
अर्कान :- १२२-१२२/१२२-१२२
गजल
सम्हाल्नै नसक्दा भो हानी हजुरको
म राख्नू कहाँ फूल दानी हजुरको
! !
जीवन सङ्ग छुट्टै गुनासो छ भन्दा
कहाँ अल्झिए छ जवानी हजुरको ?
! !
ढिला भो सवारी खबर भो नसोध्नु
छ ला'ने भए त्यो खरानी हजुरको
! !
सधैँ फूल सङ्गै रमाए छ काँडा
बनोस् दास दिल यो ए सानी हजुरको
!!
नढाट्नुस् न बिन्ती व्यथा छैन भन्दै
नजरमा लुकाएर पानी हजुरको
! !
प्रकाश पाठक "योगी"
भरतपुर २३ जगतपुर
चितवन नेपाल
हाल :- दोहा कतार
No comments:
Post a Comment