स्वतन्त्र गजल तिम्रो बिहे पछि हातमा चुरा घाँटीमा पाेते हुने छ समाजमा इज्जत राख्न तिम्रै छाेरा गाेथे हुने छ । नानाभाती कुरा गर्दै हिड्यौ भने समाजमा फेरी तिम्रै नाम परिवर्तन भैँ बाते र ओठे हुने छ । यहाँ खेलाडी हूँ भन्छन् महाशयहरू खेलको आऊ खेल्नलाई खेल,अब बागगोटे हुने छ । यौटा सुचना ताजा साँगसब्जी खान चाहेमा घरको करेसाबारीमा बिऊ मात्र रोपे हुने छ । छ चञ्चल मन चढेको छ अझैँ बैश तिम्रोनि म बोल्दिन क्यै यो ओठमा तिम्रो ओठ डोबे हुने छ

सधै झै मुक्तक पाठशालामा हुने मुक्तक सवाल जवाफमा आज पनि देवी बास्कोटा र प्रकाश पाठक "योगी" बिच *गरीबी* बिषयमा भएको मुक्तक सवाल जवाफ यस प्रकार छ !! मुक्तक-१-देवी देखे टाइ सुटमा मैले तिमीलाई, सोचे सरिफ भएछौ बुझ्दैै छु आज तिम्रो बानी, तिमी त हरिप हुन गएछौ बंगला त ठूलै छ तिम्रो अनि चिल्लो गाडी पनि मलाइ के थाहा तिमी त बिचरा मनको गरिब रहेछौ!! मुक्तक-१-प्रकाश आजकल पश्चाताप लाग्छ लुटेर खाएकोमा हो गरीब दिन दुखीहरुलाई कुटेर खाएकोमा अचानक बुढो बा भोकले छट्पटाएको देखे आज किन बेकार लाग्छ गफ चुटेर खाएकोमा मुक्तक -२ अब भने तिम्राे बुद्दीकाे बिर्काे खुले जस्ताे छ गरिबकाे झुपडीमा बल्ल नजर डुले जस्ताे छ पैसाकाे मतले पागल भएर बसेकाे तिमीले माया पैसामा किन्न सकिन्न भन्ने भुले जस्ताे छ मुक्तक -२ हो आज बढो दुख लाग्दैछ आफैलाई गरीबहरु देखेर दया जाग्दैछ आफैलाई गर्नु सम्म अत्याचार गरेको रैछु मैले त मेरो जिन्दगीले औँला ताग्दैछ आफैलाई मुक्तक -३ याद छ मलाई तिमीले गाेठालाे कुटेकाे हाँडीमा मकै भुटे झै ती गरिबलाई भुटेकाे ढिलै भए पिन पश्चताप गर्यौ खुशी लाग्याे पाप अवश्य लाग्छ गरिबकाे पसिना लुटेकाे मुक्तक -३ हो धेरै हैन अलिकति कुटेको थिएँ तेस्को पनि कालो धन लुटेको थिएँ उस्ले राज्य लुट्थ्यो मैले चैँ उस्लाई सरासर मागेको नदिदा चुटेको थिएँ मुक्तक -४ तिम्राे सधै गरिबलाई लुटेर खाएकाे बानी धनकाे घमण्ड देखाई रहन्छाै जानी जानी समाजमा एक दिन तिमी एक्लाे हुने छाै बुझ अाफ्नै क्रियाकलापले तिमीलाई हुने छ हानी मुक्तक -४ यति जातिबित्तिनै भनि नहाल सबै सँग अगतिलि बनि नहाल पैसा छ टन्न एक्लो त मरे हुन्न म पाएँ भनेर खोइरो नै खनी नहाल मुक्तक -५ सम्पति देखाएर अाफुलाई अब्बल गराउँदै छाै टाढैबाट भए पनि तिमी मलाई नै कराउँदै छाै उ बेलाँमा अाँखा नदेखेर गर्नु पाप गर्याै तिमिले अाज पाेल खुल्ने डरले भित्र भित्रै डराउँदै छाै मुक्तक -५ हिजो मेरै पैसामा निक्कै मोज गरेकी थियौ दिनकै होटलमा डिस्को र भोज गरेकी थियौ पुगेसरी भयो अब तिमिलाई मलाई चुसेर है? राम्री हुन ब्युटी पार्लर जाने रोज गरेकी थियौ मुक्तक -६ आज आइ अाफ्नाे पाेल अाफै नखाेल तिमी सम्पति छ भन्दैमा जे पायाे तेही नबाेला तिमी तिमी जस्ताे बिग्रेकाे सन्तान हाेईन म त बुझ मलाई दाेष थुपारी अाफैमाथी खत्रा नमाेल तिमि मुक्तक -६ चुसेर जुकाले झै,अघाएर तर्किन थाल्यौ हो मैले बोलाउँदा पनि अब झर्किन थाल्यौ नहुदा पैसा मेरो प्यारी बनेर,राजा हौ भनेर भेट भयो बाटोमा भने उता फर्किन थाल्यौ !! धन्यवाद !!

" स्वतन्त्र गजल " के हो जीवन परिभाषा खोज्दै छु यहाँ खुशीको अभिलाषा खोज्दै छु !! समयको अनौठौ खेल रै'छ जिन्दगी दाउ थाप्न जूवा अनि पाशा खोज्दै छु !! रुप हेरेर साईनो जोड्नु छैन मलाई जीवन साथी मैले त खासा खोज्दै छु !! बा'ले कूलको मान जोगाउनु भने देखी सुरुबाटै जोगाउनलाई नासा खोज्दै छु !! पर्यो खडेरी सुक्यो डाली फूलको यहाँ पलाउँछ भनी कुरेर आशा खोज्दै छु खासा :- खास,उम्दा, राम्रो असल नासा :- नाक

"स्वतन्त्र गजल" चञ्चल छ मन जोवन धान्ने कसरी जवानी चढेछ भनेर म जान्ने कसरी !! बस्दछ अरे माया फूलको प्रहारले भन्नुस त कोही पुष्पले हान्ने कसरी !! छ श्वास अड्केको कसैको मुटुमा अंकुश छैन साथमा तान्ने कसरी !! मुस्कुराएर हिड्छ्यौ जै'ले भेट्दा'नी मार्दिनौ आँखा आफ्नो ठान्ने कसरी !! चम्किन्छन् जुनकीरी हराउछन् छिट्टै "प्रकाशको"ज्योति भनि मान्ने कसरी

"मुक्तक" फूल सँगै समाउने डाली चाहियो तात्तो न छारो बिना अर्थ उसलाई ताली चाहियो तात्तो न छारो यहाँ विहान बेलुका छाक टार्न धौ धौ भएको बेला पियारीलाई भने रातो लाली चाहियो तात्तो न छारो

"स्वतन्त्र गजल" मनमा छ अनेकौँ चाहा बताऊँ कसोरी कोमल छन् ती अङ्ग म समाऊँ कसोरी !! दुख्ला झैँ गर्छ्यौ सधै हरेक स्पर्शमा अधरमा अधर जोड्न सघाऊँ कसोरी !! म चाहन्छु चुम्न "ती"हरेक अङ्गहरूमा नाई नभन मनको वेग हटाऊँ कसोरी !! शिशिर यामको वृक्ष झैँ भएछु स्वयम् कठै ! तिमीलाई दोष लगाऊँ कसोरी !! छौ अङ्गालोमै तर पनि मान्दिनौ किन हे दैव मैले तिमीलाई रिझाऊँ कसोरी !! प्रकाश पाठक "योगी" भरतपुर २३ जगतपुर हाल:- चेन्नई भारत

स्वतंत्र गजल झरेछ फूल कोपीलामै, मनै खिन्न भो तिमी बिनाको दुनियाँ, यहाँ भिन्न भो !! टुट्यो सम्बन्ध,छुट्यो खै साथ कसरी छायो आँखामा अध्यारो,कानै टिन्न भो !! सदैव लागेको छ चोट मनमा हजारौ न माग घायल मुटु कसैलाई दिन्न भो !! उपहार तिमीलाई दिन्छु भन्थ्यौ तिमीले दियौ चोट यो भए पुग्छ अरू लिन्न भो !! न बिर्सनु भनेर गयौ,पराईकै बनेर गयौ ढुक्क हुनु पापीनी कहिल्यै बिर्सिन्न भो प्रकाश पाठक "योगी" भरतपुर २३ जगतपुर हाल :- चेन्नई भारत

"स्वतंत्र गजल" ढुङ्गालाई पुज्छ, आमा बाऊ कुट्छ अचम्म छ पैतृक सम्पत्ति पाउन, भाई चुट्छ अचम्म छ !! आफ्नो जवानीको आगो ठण्डा पार्नलाई क्वै साखै बा'ले छोरीको इज्जत लुट्छ अचम्म छ !! पुरुषप्रधान् देश पक्कै हैछ बल्ल विस्वास भो नारीको सिन्दूर पुछिन्छ,चुरा फुट्छ अचम्म छ !! आज बैरी झैँ भएर,एउटै आमाका सन्तान ती कठै!आफ्नै दाइको परिवार भुट्छ अचम्म छ !! सातौ जुनी तिम्रै बन्नेछु भनी कशम खाएका कैयौं युगल जोडीको नाता नै टुट्छ अचम्म छ प्रकाश पाठक "योगी"

"स्वतन्त्र गजल" अनेकौँ कुरा छन् घटाउन गाह्रो र तिम्रो दिलैमा अटाउन गाह्रो !! कसोरी बताऊँ सताएछ जाद्रै छ खाटो हियामा हटाउन गाह्रो !! यता हेर्छु उस्तै दुखेको कथा छ खुशीसाथ रात यो कटाउन गाह्रो !! चस्किन्छ घाउ बिगतको मुटु भित्र यादले मार्न खोज्छ खटाउन गाह्रो !! छाती मेरो भतभति पोल्दा रातीमा मर्छु भन्ने पीर छाती ठटाउन गाह्रो प्रकाश पाठक "योगी" भरतपुर २३ जगतपुर हाल :- चेन्नई भारत

"मुक्तक" यौटा झ्याउरे गीत गाएको अर्कैको भाकैमा परेछ राम्री देखेर आँखा मारे तर सिन्दूर ला'कैमा परेछ कथा सत्यनारायण पुजाको हो है त सुन्नुस हजुर अन्धकारमा पानी फालेको बुढीको नाकैमा परेछ प्रकाश पाठक "योगी" ना. न. पा. १० जगतपुर हाल-चेन्नई भारत

- मुक्तक बुढो भए पनि अघि सरौँ सरौँ भा'छ उनिलाई अंगालोमा भरौँ भरौँ भा'छ बदल्न यो समाजको रुढि बादि कुरा अन्तरजातीय बिवाह गरौं गरौं भा'छ - प्रकाश पाठक "योगी" चितवन-१-जगतपुर . हाल-चेन्नई भारत

"स्वतन्त्र गजल" मैँ हूँ सर्वेसर्वा,पालेर अहम मनमा के ज्ञान बाढ्छौ खै मनुष्य जनमा !! मति भ्रष्ट दुज्जनको संगतले हेर कति गर्मी र अहङ्कार छ धनमा !! धनकै लागी राम लक्षमणमा फाटो सर्वगुणी बनी लागे राम स्वयं वनमा !! कंश थिए मामा आखिर कृण्णकै कूविचार पालेका रै'छन सधै तनमा !! सार्यौ पाउ अन्त खुशी खोज्दै प्यारी भुलिछ्यौ खाएको कसम लगनमा

स्वतन्त्र गजल अहँ दिन्न म मेरो यो मुटु कसैलाई दिन्न दिएँ भने सबैले पार्छन् हिया छिन्न-भिन्न !! यता सम्बन्ध जोडी उता जान्छन् कोही के थाहा तिनलाई मन कति हुन्छ खिन्न !! जब सुने त्यो दिन उसको विहेको कुरा आँखामा छायो अध्यारो,कान भो टिन्न !! अति माया गर्छ्यौ मर्छु नभन झगडा परे मरौला मैँ के दिउँला तिमीलाई उछिन्न !! बन्नुथ्यो एकदिन"योगी"बनि सकेँ हजुर उनको सम्झनामा अब रति पीर लिन्न !!

"हाईकूहरू" गंगा झैँ बगोस् वचन सदैव है सफा मन भैँ अधेरी रात मन्द मन्द पवन प्रियाको साथ चलेको छ है सम्बन्ध हाम्रो बनी खोली बगर मुहार तिम्रो वर्णन म के गरूँ चन्द्रमा झैँ छ बर्खे खोला त्यो महासागर ठान्छ बिपरीत् बुध्दि बनेछ गीत न्याउली रोयो बन मेरै त्यो प्रित वसन्त ऋतु छैन प्रियाको साथ "योगी'' हरायो खबर सुने तिम्रो विहेको मैले दर्कियो झरी पाईन माया त्यसैले म भा'को छु पतझर् रूख पर्खेर बसेँ मिलन होला भन्दै नदी कुरेर फर्किएन है परदेशी कहिल्यै आँधी हुरी भो उराठ मन प्रियाको आयो याद झरी पर्दा त वनको चरी वनमै रमाउँछ खोल पिँजडा प्रकाश पाठक "योगी"

मझौला झ्याउरे ३+२, ३+२, ३+३=१६ कविता :- परदेशीको ब्यथा बगाई आँसु बाँच्नु छ सधै कसैको यादमा न निन्द्रा लाग्छ न भोक लाग्छ अधेरी रातमा । झझल्को औधी आएको हुँदा तस्बिर हेर्दै छु सम्झेर घर, पियारी, छोरो म चिठ्ठी कोर्दै छु ।। १ ।। आयो है दशैं सबैको घर कसरी रमायौ साहू छ जाद्रो माग्दछ पैसा कसरी थमायौ । बर्षौ भो आ'को मुग्लान केही गर्न नै सकिन पीडाले थिच्दा मुटुमा झनै मर्न नै सकिन ।। २ ।। छोराले आमा,खै बाबा भन्दा मन त्यो रुँदो हो दशैंको बेला म घर भए खुशी नै हुँदो हो । बाटो त्यो हेरी बसेकी हौली हे मेरी पियारी हिम्मत गरी बस्नु है तिमी घर त्यो सिङारी ।। ३ ।। न मरे बाँचे कालले साँचे आउला फर्केर मलाई सम्झि हे मेरी आमा नरुनु धर्केर दैवको खेल मरेछु भने पराई माटोमा हेरेरै दिन बित्ला है आमा पर त्यो बाटोमा ।। ४ ।।

"मुक्तक" मनको बागमा तिम्रो नामको फूल सारेको थिएँ गोडमेल गर्दै पुरा बगैँचा बारम्बार चाहारेको थिएँ ओहो,! फक्रिन नपाउँदै कसैले चूँढेछ तिमीलाई मैले त चारैतीरबाट सुन्दर बगैँचालाई बारेको थिएँ

"मुक्तक" निष्ठुरीकै कदम अगाडी बढ्छ यहाँ बिस्तारै उच्चशिखर तिर चढ्छ यहाँ भुलेर'नी विस्वास नगर्नु मायामा हेर माया गर्ने नै धोका पाएर लढ्छ यहाँ

"मुक्तक" बगाएँ आँसु मन हलुङ्गो हुदै भएन गाँठो परेछ ब्यथा खुकुलो हुदै भएन कसैले मायारुपी प्रहार यस्तो गर्योकी "प्रकाश"कहिल्यै अरूको हुदै भएन

मुक्तक अरे! शहर पसे पछि नशा लाग्ने पानी भेटियो बुढेसकालमा पनि आफ्नै राम्रो जवानी भेटियो माया त परै जावस् हात छुन पनि नदिने पैले पैसाको लागी सर्वस्व दिने उनै पो नानी भेटियो ।।

सधै झै मुक्तक पाठशालामा हुने मुक्तक सवाल जवाफमा आज पनि [ श्याम किराँति र प्रकाश पाठक "योगी" बिच भएको मुक्तक सवाल जवाफ यस प्रकार छ !! नेता :- प्रकाश पाठक "योगी" ना.न.पा-१० जगतपुर चितवन हाल :- चेन्नई दक्षिण भारत जनता :- श्याम किराँति उदयपुर पंचावती ४ नेपालटार हाल: मलेसिया मुक्तक :- १ देश बनाउछु,बस्ती बनाउछु भोट दिनु मलाई चुनाव चिन्ह बुझि राखौं सजिलो छ हैं सलाई जनताको दु:ख,समस्या हेरेको छु सदैव मैले आफ्नो सत्ता उठाउनु छ अरूको सत्ता ढलाई प्रकाश पाठक "योगी" मुक्तक :-१ देश होइन बनाउँछौ त गाउँ बस्ती उजाड!! भोट माग्न आउने बेला गर्छौ तँ छाड म छाड!! तिमी जस्तो धोकेवाज लाई मरे भोट दिइदैन, घर दैलोमा आयौ भने खुस्काइ दिउँला ढाड!! श्याम किराँति मुक्तक :-२ थाहा छ आजकल किन रिसाएका छौं बिपक्ष पार्टीकालाई बिन्ती बिसाएका छौं पैसा दिएर भोट माग्छन् उनिहरु सबैसँग मैले पैसा नदिँदा सम्बंधनै चिसाएका छौं प्रकाश पाठक "योगी" मुक्तक :-२ ढाँट्नुको नि हद हुन्छ बुझिराख्या छौँ!! बेफुर्सदी आदत हुन्छ बुझिराख्या छौँ!! जब जित्छौ चुनाव तिमी सहर छिरेपछी, गाउँ फर्किन झन्झट हुन्छ बुझिराख्या छौँ!! श्याम किराँति मुक्तक :-३ चारैतिर झलमल भो मेरो सरकार आएपछि जनताहरु गौरवान्वित छन् भत्ता पाएपछि तिमीले अरुको गुणगान गाउनु स्वभाविक हो कुकुर पुच्छर हल्लाउछनै सत्रुकोनि खाएपछि प्रकाश पाठक "योगी" मुक्तक :-३ सोह्र घन्टा लोडसेडीङ भो तिम्रै सत्ता आए पछी!! कालिकोटमा भोकभोकै छन् तिम्रै भत्ता पाए पछी!! गौरवान्तित तिमी छौ भ्रष्टाचारि खोल ओढेर, किर्ना जस्तै ढाडीएछौ हाम्रै रगत खाए पछि!! श्याम किराँति मुक्तक :-४ जनतालाई भरीभराऊ झोली चाहिन्छ ढिला होईन आजै वा भोली चाहिन्छ परिश्रम गर्ने रति हैनन् आशामा बस्ने मिठा मिठा पकवानको सोली चाहिन्छ प्रकाश पाठक "योगी" मुक्तक :-४ सत्ता खारेज भत्ता थाइ हाम्रो नेपालमा!! जनता भोकै नेता को खाइ हाम्रो नेपालमा!! टुलुटुलु हेरिरहन्छु एक्लै के गर्नु र कठै, बाघको छाला स्यालको रजाइँ हाम्रो नेपालमा!! श्याम किराँति मुक्तक :-५ बोल्न पैसा लाग्दैन बोलौं मजाले पेटको कालो मैलो खोलौं मजाले सत्तामा गएँ खान्छन् भन्ने सोच छ नकरात्मक सोच झन् घोलौं मजाले प्रकाश पाठक "योगी'' मुक्तक :- ५ जस्तो देखेँ त्यस्तै भन्छु माफ गर्नुहोला!! भ्रष्टाचारिको जरो खन्छु माफ गर्नुहोला!! देशको ढुकुटीमा हालिमुहाली गर्नेहरु हो, परि आएँ म नै भैरव बन्छु माफ गर्नुहोला!! श्याम किराँती मुक्तक :-६ अरे तिम्रो भैरवरुप साईँलीको भट्टीमा देखिन्छ यो गर्छु उ गर्छु भन्नेहरुनै सधै मातमा भेटिन्छ देशको चिन्ता होईन रक्सी खाने पैसामा बिक्छौ भन्दै हिड्छौ कुन पाटीले लौ कति रुपैया दिन्छ प्रकाश पाठक "योगी" मुक्तक :-६ भन्नेहरुले भन्दा रहेछन् सजिलै सँग!! आफू असल बन्दा रहेछन् सजिलै सँग!! किन जान्छ भट्टी भित्र बुझ्दै नबुझी, ट्वाकेन्द्रमा गन्दा रहेछन् सजिलै सँग!! श्याम किराँती, मुक्तक :-७ जाँड खाएर बाटोमा लेडका थियौं आफ्नै मलमुत्रमा नै गडेका थियौं किन तर्कन खोज्छौं अहिले तिमी यस्तो लाग्थ्यो गनाएर सडेका थियौं प्रकाश पाठक "योगी" मुक्तक :-७ बोले हुन्छ बोल्नलाई पैसा लाग्दैन अरुप्रति बोल्दा दया माया जाग्दैन खसालेर बोल्ने त समाजको बानी अँहङ्कारी बसे पछि बानी भाग्दैन श्याम किराँति धन्यवाद. !!!

मुक्तक सागर डुब्यो, मुर्दा उठ्यो,अचम्म नमान्नु हेर्दा हेर्दै सूर्य त्यो फुट्यो, अचम्म नमान्नु कलियुगको कमाल,जताततै भो धमाल कुम्भकर्ण भै देश सुत्यो, अचम्म नमान्नु

"मुक्तक" चाडपर्व गएपछि कसैको आँसु नझरोस कसैलाई पनि दशैंले दु:खी, खल्लो नगरोस तँ भन्दा म के कम भन्ने होडबाजीले यहाँ भैँसी बेचेर दशैं मनाए भनेर सुन्न नपरोस । प्रकाश पाठक "योगी" चितवन-१-जगतपुर हाल-चेन्नई भारत

"मुक्तक" आजकल किन पर सर्दैछ्यौ तिमी मलाई नचिने झैँ पो गर्दैछ्यौ तिमी चर्चा चल्दैछ तिम्रो साथीभाइबाट अरुलाई अँगालोमा भर्दैछ्यौ तिमी

मुक्तक अवश्य केही गर्छु,तिम्रो यादमा म त महासागर नै तर्छु, तिम्रो यादमा म त मेरो सामू कसैको बनि डोली चढेमा धरोधर्म छिट्टै मर्छु, तिम्रो यादमा म त

मुक्तक म देखी पर गयौ तिमी औधी रमाएर पराईलाई आफ्नो सम्झी हात समाएर थाहा भो यहाँ आखिर मूर्ख त म रहेछु बाँच्न गाह्रो भो मुटु तिमीलाई थमाएर

"मुक्तक" बगर बनेको छु साँच्चै नहर बनेको छु अनि बटुवाहरूको म सफर बनेको छु आउँछन् क्वै अनि छुरा धसेर जान्छन् चोटहरू सँगाल्ने ठूलो घर बनेको छु प्रकाश पाठक "योगी"

"स्वतन्त्र गजल" कहिल्यै पुरा नहुने यो रहर उस्तै छ नदीको आशमा बस्ने बगर उस्तै छ !! यसै कहाँ पाईन्छर फल सफलताको शिखरमा पुग्ने कठिन सफर उस्तै छ !! कसैले चोट दिएको थियो बिगतमा जोड्दिन फेरी सम्बन्ध डर उस्तै छ !! मनले चाहे चारैतिर भेटिन्छ भगवान् मैले पुज्ने मन्दिरको पत्थर उस्तै छ !! बर्षौ बितेछन् मैले कमाउन थालेको तर पनि खरकै छानो र घर उस्तै छ प्रकाश पाठक "योगी"

"मुक्तक" जाँड खाएर बाटोको छेउ कुना टेक्नु छ दशैमा पल्ला घरे कान्छिलाई प्रेम पत्र लेख्नु छ दशैमा जानेछु उस्कै घरमा हिम्मत राखेर अब चै पक्कै त्यो ससुराको चुरीफुरी कति छ देख्नु छ दशैमा प्रकाश पाठक "योगी" चितवन-१-जगतपुर हाल-चेन्नई भारत

मुक्तक १५० आज मन उदास हुदैछ,तर कसैलाई खास हुदैछ प्रेमी यहाँ लाश हुदैछ,प्रेमिकाको अन्तै बास हुदैछ धिक्कार छ दैव अनौठो खेल रचेको रैछस तैेँलै त यता सत्यानाश हुदैछ,तर उता भने झक्कास हुदैछ प्रकाश पाठक "योगी" चितवन-१-जगतपुर हाल-चेन्नई भारत