"स्वतन्त्र गजल" मनमा छ अनेकौँ चाहा बताऊँ कसोरी कोमल छन् ती अङ्ग म समाऊँ कसोरी !! दुख्ला झैँ गर्छ्यौ सधै हरेक स्पर्शमा अधरमा अधर जोड्न सघाऊँ कसोरी !! म चाहन्छु चुम्न "ती"हरेक अङ्गहरूमा नाई नभन मनको वेग हटाऊँ कसोरी !! शिशिर यामको वृक्ष झैँ भएछु स्वयम् कठै ! तिमीलाई दोष लगाऊँ कसोरी !! छौ अङ्गालोमै तर पनि मान्दिनौ किन हे दैव मैले तिमीलाई रिझाऊँ कसोरी !! प्रकाश पाठक "योगी" भरतपुर २३ जगतपुर हाल:- चेन्नई भारत