"मेरी उनी"

कविता :-  "मेरी उनी"
लोक छन्द :- मझौला झ्याउरे
३+२, ३+२, ३+३ = १६

त्यो रातो ओठ,स्याऊ झै गाला, भुल्न म सकिन
समीप गएँ,   धक्धक भयो,   बोल्न  म  सकिन
कसरी खोलुँ , मनको कुरा , मनैमा    अल्झियो
न देख्दा उनी,  छट्पटि हुने, आँगो नै सल्कियो
! !
चौबन्दी चोली, टमक्क भयो, सुहायो चिटिक्कै
परेली केश, गाजलु   आँखा, बनायो    भुतुक्कै
कोकिल   कुण्ठ, मधुर   बोली , मनमा   बसेछ
त्यो रूप देखी, यो सोझो केटो माछी झैँ फसेछ
! !
कानमा झुम्का, नाकमा नत्थी, लगाईँ झरेकी
कसरी भनौ,  नजिक गई,  साह्रै   मन् परेकी
जुनार जस्तै , मिलेका  टम्म, ती  दन्त  लहर
मनमा मेरो , उर्लेर   आयो ,   अनेकौं    रहर
! !
म भुल्ने छैन, कोमल हात्ले , केश त्यो चलाको
रूपको  जादू , चलाई   आज, मन यो गलाको
नजिक आऊ, हे मेरी प्यारी , राखौला काखैमा
नबोली बस,    हेरेर तिमी ,   चुम्दछु   आँखैमा
! !
पुष्प झै लाग्छ, वदन तिम्रो , कोमल   अंग छ
बनायो द्यौता, प्रतिमा तिम्रो, आफै ऊ दंग छ
कहिल्यै टाढा ,नहुनु विन्ति , चित्त त्यो दुखाई
फुलेको पुष्प, नझार्नु बिन्ति , बोट  नै  सुकाई
! !

नाम :- प्रकाश पाठक "योगी"
भरतपुर २३ जगतपुर
          चितवन
हाल :- चेन्नेई दक्षिण भारत
Email :- prakash87nepal@gmail.com