''गजल" जब ढल्छ रवि साँझमा भट्टी धाउन मन लाग्छ । भुल्न मनको पीडा बोतल समाउन मन लाग्छ ।। बैगुनीले छिया-छिया बनाएर मुटु मेरो लगे पछि मल्हम सुरा बनाएर ती घाउमा लगाउन मन लाग्छ ।। आइरहन्छन् झझल्कोमा तिम्रा घातक बिम्बहरू समाई तिमीलाई दिलको हाल बताउन मन लाग्छ ।। छट्पटिमै बित्यो हरेक रात,अनिदो छ आँखा अझैँ फेरी रहने श्वास मैले भित्र भित्रै दबाउन मन लाग्छ ।। मनमा चोट बढी भयो,लाग्छ आज अन्तिम घडी भयो पिएर जहर सारा दु:ख पीडा लुकाउन मन लाग्छ ।।