हुँदैन विहान मिर्मिरेमा तारा झरेर नगए
बन्दैन मुलुक दुईचार सपूत मरेर नगए
"मुक्तक"
देशको लागि आफ्नो ज्यान अर्पित गर्छन सहिद
जिवनदान छोडी मृत्यु अँगालोमा भर्छन् सहिद
गंगा,दशरथ,शुक्रराज र धर्म तिमीलाई सलाम छ
आफ्नो खुशी छोडेर देशको लागि मर्छन् सहिद
- प्रकाश पाठक "योगी"
ना. न. पा १० जगतपुर
हाल -चेन्नई भारत
"गजल"
अनेकौं बहाना बनायौ तिमीले
हियाबाट साच्चै हटायौ तिमीले
!!
यता दिल दुखाई खुशी मिल्छ क्यारे
छुरा रोपी यो दिल दुखायौ तिमीले
!!
जवानी सुरा त्यो मलाई पिलाईँ
मिठा बातमा नै फसायौ तिमीले
!!
न बोल्छ्यौ मनैको कुरा ती खुलेर
मध्य रात जै'ले उठायौ तिमीले
!!
म साह्रै छु सोझो पियारी बताईन्
लुकाएर प्याला पिलायौ तिमीले
बहर :- मुतकारिब
सूत्र :- १२२/१२२/१२२/१२२
विश्राम :- ६ अक्षरमा
"गजल"
बस्यो माया गाढा भुल्नै गाह्रो भो
तिमी सामु सिधै खुल्नै गाह्रो भो
!!
घरमा छ बूढी पीडा कति मलाई
केटी समाई बजार डुल्नै गाह्रो भो
!!
मनमा माया कति हो कति लाग्छ
डरले गर्दा दिलमा हुल्नै गाह्रो भो
!!
कोपीलामा सिमित रहने भो माया
तिम्रो मनको बागमा फुल्नै गाह्रो भो
!!
सुनेँ खबर तिम्रो घरवार भयो भनि
छरपस्ट भए आँसु बटुल्नै गाह्रो भो
प्रकाश पाठक "योगी"
भरतपुर २३ जगतपुर
हाल :- चेन्नई भारत
कविता :- "प्यासी मुसाफिर"
मदिरापान गरेर आफ्नो
जवानीको आँगो सान्त
पार्न यत्र-तत्र भौँतारिएका
ब्वासाहरू हरेक साँझ
भट्टीवाली साहुनीलाई
कुदृष्टि लगाउन छोड्दैनन्
ती वैवाहिक युवाहरू....
अनेकानेक बहाना बनाईं
कहिले हात,कहिले पाँखुरामा
स्पर्श गरेर रमाउन चाहन्छन्
भने वैचारिक सोचमा आखिरी
पलमा पुगि सकेका पनि छन्
कहिले रत्नपार्क,
कहिले चाबहील,
कहिले जाउलाखेल,
कहिले लगनखेल,
कहिले हनुमान ढोका,
कहिले पाटन,
कहिले सुन्दरीजेल,
कहिले भक्तपुर,
कहिले क्रितिपुर,
कहिले बनेपा,
कहिले सूर्यबिनायक
कहिले कालिमाटी,
कहिले गौशाला,
कहिले टुडिखेल,
कहिले कोटेश्वर,
थाहा छैन् कहाँ-कहाँ
भौँतारी रहेछन्.....
तर पनि
जवानीको आँगो ननिभ्दा
आकुल ब्याकुल प्यासी
ती काकाकुलहरू
चौतर्फी गिद्दे नजर डुलाएर
हेरिरहेका हुन्छन्....
र
हरेक भट्टीवाली साहुनीलाई,
सडकमा हिडेका नारीहरूलाई,
जहाँ पायो उहिँ वैचारिक बलात्कार गरिरहेका हुन्छन्...
आफ्नो हवसको शिकार
बनाउन नपाए,
हरेक भट्टीवाली,
हरेक पसलवाली,
हरेक गाउँवाली,
हरेक बजारवाली,
हरेक समाजवाली,
हरेक टोलवाली,
हरेक घरवाली
र
हरेक देशवाली
हरेक नारीलाई यहाँ
चरित्रहीन स्त्रीको उपमा
भिराई दिन्छन् र सजिल्यै
भन्छन् छि: "चरित्रहीन स्त्री"
प्रकाश पाठक "योगी"
"मुक्तक"
केटीहरू देखेँ भने पर नै कदम रोक्न मन लाग्छ
भाइटिकाको सामान झोलामा बोक्न मन लाग्छ
जुन दिन मलाई नराम्रो धुलाई गरेका थिए सबैले
त्यो दिन देखी केटीलाई सलाम ठोक्न मन लाग्छ।
प्रकाश पाठक "योगी"
"मुक्तक"
तँलाई बगरमा झार्छु भन्दै आयो
उचालेर भाला मार्छु भन्दै आयो
म रोएँ कराएँ केही लागेन आज
काल यमलोक सार्छु भन्दै आयो
"योगी"
"गजल"
आज आफ्नै श्वास टाढिएको छ
शिरैको सिन्दुर उजाडिएको छ
!!
म कसरी यो जगतमा रम्न सक्छु
मेरो मुटु नै धरासँग टासिएको छ
!!
बुढेसकालको साहारा उनि नै हुन्
भए दूर प्यारा आशा भाँचिएको छ
!!
तँ कति पापी एक्लै हिडिस् रमाई
हेर आँफुमात्र फूलले सज्जिएको छ
!!
त्याग्छु देह बिन्ती मलाई नरोक्नुस्
मेरो प्राण "योगी" मै अल्झिएको छ
नोट :- मुसलसलमा रहेको छ
बहर :- मुतकारिब
सूत्र :- १२२/१२२/१२२/१२२
विश्राम :- ६ अक्षरमा
"गजल"
समाएर झोला हिड्यौ है पियारी
अधरमा छ लाली कताको सवारी
!!
हिडेको छु तिम्रै हियाको डगरमा
लगी राख ढोका मनैको उघारी
!!
लुट्यो है छिमेकी कुमाऊँ र टिष्टा
छ रूँदै सिमाना नेपाली पुकारी
!!
म खोज्दै थिएँ त्यो छुटेको सहारा
भन्यौ ढुक्क सङ्ग मलाई भिखारी
!!
बढी सुन्छु हल्ला पियारी यहाँ म
छ बाँझो अरे त्यो पखेरो र बारी
प्रकाश पाठक "योगी"
भरतपुर २३ जगतपुर
हाल :- चेन्नई भारत
बहर :- मुतकारिव
सूत्र :- १२२/१२२/१२२/१२२
''गजल"
आएको छ आँधी उडाउछु भनेर
नयनको जलैले डुबाउछु भनेर
!!
भयो दु:ख बड्ता म द्यौता पुकारेँ
यहाँ काल आयो घुमाउछु भनेर
!!
गएकाे थियाे देश छाेडि प्रवास
छाेराे शाहुकाे ऋण कटाउछु भनेर
!!
मनैको ब्यथा यो रहेछ अनौठो
बित्यो बैँश माया जताउछु भनेर
!!
खुशी छैन् कदापि सधै यो जवानी
बित्यो साहुको रीन् चुकाउछु भनेर
प्रकाश पाठक "योगी"
भरतपुर २३ जगतपुर
हाल :- चेन्नई भारत
कविता :- मनको भाव
चलाएको कलम
रोक्नै लागेको थिएँ
अचानक मानस्पटलमा
बिगतको कहानी एकाएक
ठोकिन पुग्यो..
सोचेँ केही गम्भीर भएर
ती उठाएका हतियार,
ती लुटेका धन,
ती पुछिएका सिउँदो,
ती अलपत्र परेका लाश,
ती हराएका छोरा/छोरी,
ती टुहुरा भएका छोरा/छोरी,
ती विधुवा बनेकी नारी,
ती बूढा आमा/बाबा,
ओहो !
के भयो होला...?
त्यो धन, ती बूढा बाबा आमा,
ती अलपत्र लाशहरू,
ती टुहुरा छोराछोरी,
साच्चै न्याय पाए होलान् त......?
जंगलको "लाखु" सहर गयो
देख्यो सन्सार उतै रमायो
यता हजारौं स्वप्न देखायो
दुनियाँलाई मारी आफ्नो
भाग्य लेखायो..
आएनन् आफन्त देश बदल्न
हिडेँका
देश भक्तिमा चुर्लुम्म डुबेका
झिनो आशा अझैँ छ रहेको
कि छ कि सबैलाई कालले
लगेको.....
कहाँ गए खै स्वप्न फुलाउने
मीठा मीठा बातमा भुलाउने
कैयौंलाई देखाएर अनेकौं रहर
घरवार जोडे आफ्नो मात्र
सहर..
हराएका छोरा/छोरी फर्केलान्
बाबा आमाका आँसु दर्केलान्
खै यो दिन आउला र कहिले
हाम्रा "महोदय" कहाँ छन्
अहिले.....?
दाइ तिमी वनमै रमाउथ्यौ
सानो ठूलो सबैलाई सघाउथ्यौ
किन एकाएक फेरीयो मन
जति लुटे पनि कमै भयो धन
ओहो! दाइ
मेरा ती बिगतका दिन
फर्काई देऊ,
दाजुभाइ दिदीबैनीहरू
फर्काई देऊ,
मेरो जवानी बित्यो तिम्रै
"चाकडीमा"
हिजो सम्म म चन्दन थिएँ
आज एकाएक अग्राख भएँ
देशको परिवर्तन भन्यौ
परिवर्तन तिमी भयौ
खै...?
गरेका बाचा पुरा गरेको...?
जनताको लागी मरेको....?
हिजो झैँ आज अगि सरेको...?
अरूको दु:खमा आँसु झरेको...?
हरेक कुराहरु
कहानी भयो
सधै झुठको विहानी भयो
प्रकाश पाठक "योगी"
भरतपुर २३ जगतपुर
हाल :- चेन्नई भारत
"गजल"
स्वयम् छ मूर्ख जगत दोषी देखायो
किन खै उस्ले फगत दोषी देखायो
!!
संस्कार बिर्सिएछन् छोराछोरीहरूले
समजाले बंशकै रगत दोषी देखायो
!!
लुट्न पाएन मन्दिरमा जसै गरे पनि
ओहो!पुजारीले भगत दोषी देखायो
!!
भ्रष्टाचारी हो भन्दै पुलिसले समाउँछ
वकील घुस लिएर लगत दोषी देखायो
!!
मन्दिर,मस्जिद,चर्च,गुम्बा पुज्दै हिड्दा
"योगी"भयो भनि अवगत दोषी देखायो
"मुक्तक"
मान्छेहरू यहाँ अचम्म पर्छन् नदीको छाल देखेर
माछा कसरी फस्यो भन्छन् माझीको जाल देखेर
मानव यति सम्म स्वार्थी छन् यो कुरा प्रष्ट बनायो
कठै ! पनि भनेन् सैयामा "योगी"को बेहाल देखेर
प्रकाश पाठक "योगी"
मुतकारिव १२२×४
दिएको छु माया हियामा लुकाऊ
निधारै उपर त्यो टिकामा सजाऊ
!!
दिएँ प्राण त्यागी उसैको निमित्त
कि सम्हाल मुर्दा कि जाऊ जलाऊ
!!
नसोचे नराम्रो चिताऊ भलो याँ
बरू क्रोध मनको सबै ती हटाऊ
!!
लगातार धोका नदेऊ मलाई
छुरा घोप दिलमा चितामा सुताऊ
!!
भयो कष्ट ज्यूँन अकस्मात मलाई
तिमी याद भन्दा जहर नै पठाऊ
प्रकाश पाठक "योगी"
भरतपुर २३ जगतपुर
हाल :- चेन्नई भारत
गजल
अज्ञानी,अशिक्षित रहेछ भक्त स्वयं बुझ्ला के अब
द्यौता मान्थ्यो मूर्ति ढुङ्गो निस्कियो पुज्ला के अब
!!
पुगे सरी भो चुनाव जिते पछि नेतालाई अब के चाहियो
बाजानै बजाए पनि निदाए झैँ गर्यो उठ्ला के अब
!!
गाउँ विकास नगर्नेलाई जान्या छु भन्थ्यो यौटा मुर्ख
खै त चुपचाप बसेछन् नेताजीहरू कुट्ला के अब
!!
जित्यौ बहुमतले रमाएर गयौ तिम्रो काठमाण्डौं
आगामी निर्वाचनमा जनताले साच्चै चुन्ला के अब
!!
गर्नु गर्यौ वचनको प्रहार यत्र-तत्र ए नेताजीहरू हो
चिहानमा सुतेको मुर्दाहरूको दिल दुख्ला के अब
प्रकाश पाठक "योगी"
भरतपुर २३ जगतपुर
हाल :- चेन्नई भारत
"गजल" अभ्यास
आफै डाक्टर आफै धामी तिम्रो सहरमा
सबै मायाकै रहेछन् बिरामी तिम्रो सहरमा
!!
आखिर यो कस्तो अनौठो प्रेम रहेछ तिम्रो
कोही छन् जन्ती क्वै मलामी तिम्रो सहरमा
!!
समीप बस्दा राम्रो,टाढा बस्दा भएँ नराम्रो
हजारौं हजार भेटेँ प्रतिगामी तिम्रो सहरमा
!!
अन्धकारमा हराएको एकल यात्री म थिएँ
कसैको प्रेमले बनायो नामी तिम्रो सहरमा
!!
लुट्नु लुटे "प्रकाशलाई" झुटो प्यार देखाई
जसोतसो बाँच्दैछ मुटु छामी तिम्रो सहरमा
प्रकाश पाठक "योगी"
भरतपुर २३ जगतपुर
हाल :- चेन्नई भारत
मुतकारिब १२२×४
बगायो नयनले अचानक यि आँसु
यहाँ दिल दुखाई कसोरी म हाँसु
!!
न बस्यौ हियामा न बन्यौ पियारी
छ तस्बिर चिनो याँ म फालूँ कि टाँसु
!!
दुखाउन्न यो दिल कदाचित् अवश्य
बरू यादलाई सँगालौ कि नाँसु
!!
झझल्को उसैको छ छोडी गए'नि
हजार छन् चिनो ती म राखौँ कि माँसु
!!
छु हैरान जै'ले बिमारी भएर
यहाँ मौन धारण मरौँ या त काँसु
गजल
मनैमा बसेकी पियारी तिमी हौ
अधर यो डसेकी पियारी तिमी हौ
!!
नराम्रो नठान्नु अनौठो नमान्नु
अँगालो कसेकी पियारी तिमी हौ
!!
म राम्री छु भन्ने थियो है घमण्ड
अनेकौं घसेकी पियारी तिमी हौ
!!
हजारौं थिए यी नयनमा बसेका
दिलैमा पसेकी पियारी तिमी हौ
!!
सुहाएको छैन् अधरमा त्यो लाली
बढी नै धसेकी पियारी तिमी हौ
बहर :- मुतकारिब
सूत्र :- १२२/१२२/१२२/१२२
विश्राम :- ६ अक्षरमा
गजल
दुखाएर दिल यो रमायौ मजाले
अरू सङ्ग नाता जमायौ मजाले
!!
तिमी यो हियामा बसेकी थियौनि
हिया भित्र घाउ थमायौ मजाले
!!
सधै रम्छु भन्थ्यौ अकेलै अकेलै
धनाढ्य पुरूष पो समायौ मजाले
!!
अमीर भै खुशीले हिडेकी छु भन्थ्यौ
गर्यौ बैँश बिक्री कमायौ मजाले
!!
चकित छन् हजारौँ विहे भो हजुरको
मिलेको छ जोडी घमायौ मजाले
बहर :- मुतकारिब
सूत्र :- १२२×४
विश्राम :- ६ अक्षरमा
"स्वतन्त्र गजल"
देशलाई उठाएर मैले लम्किनु छ सधैँ
विश्वसामू नेपाल भनि चम्किनु छ सधैँ
!!
छैन तागत पाखुरीमा मूक बस्नै पर्यो
छोरा बुहारी कराउँदा दम्किनु छ सधैँ
!!
बा'आमाको सेवा रति नगरेको छोरो
भन्छ साहुको माखा हम्किनु छ सधैँ
!!
कुमाऊँ लुटिस्,टिस्टा लुटिस् छिमेकी
पख अब लुट्लास् भनी बम्किनु छ सधैँ
!!
चोखो माया गर्दा घात दिने केटीलाई
श्रद्धांजलि भन्दै पानी छम्किनु छ सधैँ
प्रकाश पाठक "योगी"
भरतपुर २३ जगतपुर
हाल :- चेन्नई भारत
मुक्तक
अमृत थियौ हिजो बिष बन्दी भयौ
मलाई फसाउन खाडल खन्दी भयौ
पराईको हात शिरमा के परेको थियो
प्रेमको खेलमा ठूलै प्रतिद्वंद्वी भयौ
"मुक्तक"
जब म एकाएक बाँस झैँ फुल्ने छु अनि आनन्द हुनेछ
सुकेको पुष्प झैँ डालीमा झुल्ने छु अनि आनन्द हुनेछ
धेरै नसताऊ प्रिय तिमीले मलाई बारम्बार अब वचनले
कुनै पल मैले श्वास फेर्नै भुल्ने छु अनि आनन्द हुनेछ
प्रकाश पाठक "योगी"
"मुक्तक"
स्वदेश छोडी विदेश हुँदा म पनि बाङ्गिएकै हो
नकरात्मक विचारहरू मेरो मनमा झाङ्गिएकै हो
अरे धन देखाएर घमण्ड नगर्दा हुन्छ कसैले यहाँ
मरेर जाँदा धनाढ्य ब्याक्तिहरू पनि नाङ्गिएकै हो
प्रकाश पाठक "योगी"
भरतपुर २३ जगतपुर
हाल :- चेन्नई भारत
गजल
बगर भन्छ भाग्यो नदीले सताई
शहर भन्छ हान्यो अचानक मलाई
!!
भयो के अचम्मै धरामा बिहानै
जहर भन्छ पल्ट्यो मनुज त्यो नखाई
!!
अनौठों कहानी बताऊँ कसोरी
रहर भन्छ भाग्छन् खुशी ती डराई
!!
छ एक्लै कुरेको दोबाटो कसैको
डहर भन्छ यात्री गयो काँ रमाई
!!
छदैँ - छैन बाजा कसोरी म नाच्ने
ठहर भन्छ बेकार नसोच्नुस् नचाई
बहर :- मुतकारिब मुसम्मन सालिम
सूत्र :- १२२/१२२/१२२/१२२
विश्राम :- ६ अक्षरमा
''मुक्तक''
काँडा होईन म पुष्प पनि होईन बस्छु जरा भएर
सबैलाई बास दिने सौन्दर्यको खानी धरा भएर
मनमा लाखौं चोट लुकाएर हाँसौला
एकान्तमा
बिरह पोखौँला एक्लै-एक्लै न्याऊली चरा भएर
प्रकाश पाठक "योगी"
भरतपुर २३जगतपुर
हाल :- चेन्नई भारत
गजल
बसेको छ माया नजर जुधाएर
मात लाग्यो हेर अधर जुधाएर
!!
कस्ले जित्छ कस्ले हार्छ हेरौँ है
अमृत साथै यहाँ जहर जुधाएर
!!
के?प्रमाणित गर्न खोज्दैछन् क्वै
खोलानाला,नदी,सागर जुधाएर
!!
कति रमिता हेर्दैछन् नेताहरूले
महङ्गाईमा महल र घर जुधाएर
!!
माया बसेको एकाएक छुटाएछन्
चिनापत्र हेराए अनि थर जुधाएर
प्रकाश पाठक "योगी"
भरतपुर २३ जगतपुर
हाल :- चेन्नई भारत
